Sali Alain!

S Legoland isch en grosse Park. Fascht alles drin isch us Lego baued. Do gsehsch es Bild vo obe abe: en ganzi Landschaft mit Hüüser, Burge, Schiff und Auto. Vieles bewegt sich. So fahred zum Biispiel d Züüg vollautomatisch und au d Auto rolled uf de Strasse.

Wenn mer sälber fahre will, sitzt mer in es Bähnli ine. Das do heisst 'Drachebahn' und isch ziemli schnell!

Es gitt au anderi Möglichkeite: do chammer sich amene Seil samt em Sitz ufezieh. Hinde lauft en Motor mit, dass es nöd eso schwär gaht zum zieh.

D Pelikan voredrah lueged eim denn debii zue.

Sogar Tier us Lego gitts. Soviil Legostei wie s a dem Elefant hett, sött mer au haa. De Elefant würd diis ganze Schlafzimmer fülle!

Safaribähnli näbedra isch wie alles doo äxtra nur für Chind.

Isch klar, dass au en Drucki-Zuug nöd fehlt. Dä fahrt jedoch ganz allei und bringt d Wäge in Hafe zu de Schiff.
 

Viellicht hesch jetzt no es paar Idee bycho, was mer no alles us Lego chann mache? - Unändlich viel, mir wüssets!

Vieli Grüess vom Götti